მთავრობა შემოდგომაზე ახალი საინვესტიციო კანონმდებლობის ინიცირებას გეგმავს

მთავრობა შემოდგომაზე ახალი საინვესტიციო კანონმდებლობის ინიცირებას გეგმავს

საქართველოს მთავრობა მიმდინარე წლის შემოდგომაზე ახალი საინვესტიციო კანონმდებლობის ინიცირებას გეგმავს, მიზანი საინვესტიციო გარემოს გაუმჯობესებაა, – ამის შესახებ საუბარია სამთავრობო პროგრამის შესრულების მიმდინარეობის შესახებ აღმასრულებელი ხელისუფლების მოხსენებაში, რომელიც პარლამენტს უკვე გადაეგზავნა.

როგორც დოკუმენტში წერია, ახალ კანონმდებლობაზე მუშაობა აქტიურად მიმდინარე წლის მარტიდან მიმდინარეობს.

„საინვესტიციო გარემოს გაუმჯობესების მიზნით, 2023 წლის მარტიდან, საერთაშორისო საფინანსო კორპორაციის (IFC) მხარდაჭერით, აქტიურად მიმდინარეობს მუშაობა „საქართველოში ინვესტიციების დაცვისა და ხელშეწყობის შესახებ“ საქართველოს კანონის პროექტზე, რომლის დებულებებიც თანხვედრაში იქნება საუკეთესო საერთაშორისო პრაქტიკასთან და წაახალისებს ადგილობრივი და უცხოური ინვესტიციების შემოდინებას ქვეყანაში.

ახალი კანონით გადაიხედება არსებული საინვესტიციო პოლიტიკა, გაიზრდება ინვესტორთა უფლებების დაცვის არეალი და შეთავაზებული იქნება საერთაშორისო საინვესტიციო სამართლით გათვალისწინებული გარანტიები. რეფორმის ფარგლებში, მზადდება რეგულირების ზეგავლენის შეფასების დოკუმენტი (RIA), რომლითაც სიღრმისეულად გაანალიზდება ახალი რეგულაციის შესაძლო გავლენა ბიზნესსექტორზე.

კანონპროექტზე მუშაობის პროცესი მიმდინარეობს კერძო და საჯარო სექტორის ჩართულობით, ხოლო მისი საქართველოს პარლამენტისათვის განსახილველად წარდგენა
იგეგმება 2023 წლის საშემოდგომო სესიაზე“, – წერია მთავრობის ანგარიშში. ახალი საინვესტიციო კანონის შექმნაში ჩართულია ინვესტორთა საბჭო, რომელთა წლევანდელ და შემდეგი წლის სამოქმედო გეგმაშიც აისახა ეს საკითხი.

ინფორმაციისთვის, საქართველოში ინვესტორებისთვის ზოგადი სამართლებრივი ბაზის ჩამოსაყალიბებლად არსებობს ორი ე.წ. ჩარჩო საინვესტიციო კანონი.

ესენია „ინვესტიციების სახელმწიფო მხარდაჭერის შესახებ“ საქართველოს კანონი – მიღებული 2006 წელს და კიდევ უფრო ძველი – 1996 წელს დამტკიცებული „საინვესტიციო საქმიანობის ხელშეწყობისა და გარანტიების შესახებ“ კანონი. „ორივე კანონმდებლობის ამჟამინდელი ვერსია მოძველებულია და პოტენციურ ინვესტორებს სრულ ინფორმაციას არ აწვდის“, – ასეთია ინვესტორთა საბჭოს შეფასება.

მსგავსი სიახლეები

თბილისის აეროპორტში მგზავრთნაკადი 28%-ით, ბათუმის აეროპორტში 34%-ით გაიზარდა (I კვარტალი)

თბილისის აეროპორტში მგზავრთნაკადი 28%-ით, ბათუმის აეროპორტში 34%-ით გაიზარდა (I…

2024 წლის პირველი კვარტალის მონაცემებით, თბილისის საერთაშორისო აეროპორტში მგზავრთნაკადი 28%-იან ზრდას, ხოლო ბათუმის საერთაშორისო აეროპორტში – 34%-იან ზრდას აჩვენებს. როგორც თბილისისა…
მარტში ფულადი გზავნილები 36%-ით შემცირდა – ქვეყნები, საიდანაც ყველაზე მეტი თანხა გადმორიცხეს

მარტში ფულადი გზავნილები 36%-ით შემცირდა – ქვეყნები, საიდანაც ყველაზე…

საქართველოს ეროვნული ბანკის მონაცემებით, 2024 წლის მარტში ქვეყანაში შემოსული ფულადი გზავნილების ნაკადების მოცულობამ 278.5 მლნ აშშ დოლარი (746.8 მლნ ლარი) შეადგინა,…
ირაკლი კობახიძე ჩინეთის დელეგაციას შეხვდა – რაზე ისაუბრეს?

ირაკლი კობახიძე ჩინეთის დელეგაციას შეხვდა – რაზე ისაუბრეს?

საქართველოს პრემიერ-მინისტრი ირაკლი კობახიძე ჩინეთის სახალხო რესპუბლიკის დელეგაციას შეხვდა, რომელსაც მმართველი პარტიის საერთაშორისო ურთიერთობების მინისტრის მოადგილე ჩენ ჭოუ ხელმძღვანელობს. მთავრობის ადმინისტრაციის…