ნოემბერში ხაჭაპურის ინდექსი გაიზარდა – რომელ რეგიონშია იმერული ხაჭაპურის მომზადება ყველაზე ძვირი?

ნოემბერში ხაჭაპურის ინდექსი გაიზარდა – რომელ რეგიონშია იმერული ხაჭაპურის მომზადება ყველაზე ძვირი?

2023 წლის ნოემბერში ერთი სტანდარტული იმერული ხაჭაპურის მომზადების საშუალო ღირებულება 6.47 ლარამდე გაიზარდა – ამის შესახებ ინფორმაციას ISET-ი აქვეყნებს.

კვლევითი ინსტიტუტის თანახმად, ინდექსის ზრდამ თვიურ ჭრილში (ოქტომბერთან შედარებით) 5.5% შეადგინა, წლიურად კი (2022 წლის ნოემბერთან შედარებით) 6.9%-ით შემცირდა.

თვიურ ჭრილში მიმდინარე თვეს ფასები გაიზარდა ხაჭაპურის ყველა ინგრედიენტზე, განსაკუთრებით კი – ყველზე.

ყველი – +8.3%

საფუარი – +5.9%

კარაქი – +3.5%

რძე – +2.6%

ფქვილი – +0.4%

კვერცხი – +0.3%

მიმდინარე თვეს ყველის ფასი ყველაზე მეტად ქუთაისში 14.3%-ით და თელავში 12.7%-ით გაიზარდა. შესაბამისად, ერთი სტანდარტული იმერული ხაჭაპურის მომზადება ყველაზე ძვირი – 6.66₾ – ქუთაისში, ყველაზე იაფი – 6.39₾ – კი ბათუმში ჯდება.

ISET-ის ცნობით, წლის ამ პერიოდში ინდექსის ზრდა ჩვეული მოვლენაა, რასაც, მეტწილად, რძისა და რძის პროდუქტების ფასების ზრდა განაპირობებს. ამის მიზეზი ნედლი რძის მიწოდების სეზონური შემცირებაა, რაც ზრდის მოთხოვნას იმპორტირებულ რძის ფხვნილზე.

გარდა ამისა, სავარაუდოდ, ძირითადი საკვები პროდუქტების ფასები ზრდას განაგრძობს მოახლოებული სადღესასწაულო პერიოდით გამოწვეული მოთხოვნის ზრდის გამო.

მსგავსი სიახლეები

საპენსიო სააგენტოს აქტივებმა 5 მილიარდს გადააჭარბა

საპენსიო სააგენტოს აქტივებმა 5 მილიარდს გადააჭარბა

საქართველოს საპენსიო სააგენტოს ატქივებმა დღეს 5 მილიარდ ლარს გადააჭარბა. ეს თანხა წარმოადგენს 1.3 მილიონი ადამიანის საპენსიო დანაზოგს, რაც ერთ მონაწილეზე საშუალოდ…
რამდენი ადამიანი მუშაობს სებ-ში და რა არის სახელფასო ხარჯები – წლიური ანგარიში

რამდენი ადამიანი მუშაობს სებ-ში და რა არის სახელფასო ხარჯები…

საქართველოს ეროვნულმა ბანკმა პარლამენტს 2023 წლის საქმიანობის ანგარიში წარუდგინა. დოკუმენტის თანახმად, ეროვნულ ბანკში საზედამხედველო/მომხმარებელთა დაცვის მიმართულებების გაფართოების პარალელურად, იზრდება მასში დასაქმებულ…
რუსული ნავთობი ევროპაში თურქეთის გავლით ხვდება. კრემლის მოგება – $3 მლრდ – POLITICO

რუსული ნავთობი ევროპაში თურქეთის გავლით ხვდება. კრემლის მოგება –…

ახალი კვლევის თანახმად, დასავლური სანქციების შემდეგ, რუსული ნავთობი ევროკავშირის ქვეყნებში, თურქეთის გავლით, შენიღბული ტვირთის სახით ხვდება. “გასული წლის მაისში თურქეთის სამხრეთით, სირიის საზღვრიდან…