რა ეტაპზეა მარაბდა – კარწახის სარკინიგზო ხაზის მშენებლობა?

რა ეტაპზეა მარაბდა – კარწახის სარკინიგზო ხაზის მშენებლობა?

მარაბდა-კარწახის სარკინიგზო ხაზის სამშენებლო სამუშაოების 90% შესრულებულია. მათი დასრულება მიმდინარე წლის ბოლომდე იგეგმება, რის შემდეგაც გზის ეს მონაკვეთი ექსპლუატაციაში შევა. ამის შესახებ BM.GE-ს მარაბდა-კარწახის რკინიგზის ადმინისტრაციაში განუცხადეს.

აღსანიშნავია, რომ მარაბდა-კარწახის სარკინიგზო ხაზი ბაქო-თბილისი-ყარსის რკინიგზის საქართველოს ნაწილია. ბაქო-თბილისი-ყარსის რკინიგზის მშენებლობის დაწყება კი 2007 წლის ბოლოს გამოცხადდა. ოფიციალურად იგი 2017 წლის 30 ოქტომბერს გაიხსნა. ბაქოში გამართულ გახსნის საზეიმო ცერემონიაში 5 ქვეყნის ლიდერმა მიიღო მონაწილეობა. აღნიშნული ცერემონია რკინიგზის ძირითადი სამშენებლო სამუშაოების დასრულებას ეძღვნებოდა. თუმცა, ის დღემდე სრულფასოვნად ამოქმედებული არ არის. ბაქო-ყარსის მაგისტრალის სრულფასოვანი ექსპლუატაციის დაწყება კი საქართველოს მეზობელ ქვეყნებზე არის დამოკიდებული.

რამდენიმე დღის წინ თურქეთის პრეზიდენტმა რეჯეფ თაიფ ერდოღანმა აზერბაიჯანელ კოლეგა ილჰამ ალიევთან შეხვედრისას განაცხადა, რომ ბაქო-თბილისი-ყარსის სარკინიგზო ხაზის განახლების სამუშაოები სწრაფად უნდა დასრულდეს.

დაახლოებით წელიწადნახევრის წინ კი, ილჰამ ალიევმა განაცხადა, რომ ბაქო-თბილისი-ყარსის რკინიგზის საქართველოს ნაწილის გაფართოებისთვის 100 მლნ დოლარზე მეტი ინვესტიცია ჩაიდებოდა. სამუშაოები 1,5 წელიწადში უნდა დასრულებულიყო.

როგორც გათვლილია, პროექტის დასრულების შემდეგ, მარაბდა-კარწახის სარკინიგზო მონაკვეთზე შესაძლებელი იქნება წელიწადში 5 მილიონი ტონა ტვირთის გატარება. როგორც BM.GE-ს მარაბდა-კარწახის რკინიგზის ადმინისტრაციაში უთხრეს, ბაქო-თბილისი-ყარსის სარკინიგზო მონაკვეთი, ექსპლუატაციაში გაშვების შემდგომ, სხვადასხვა სახეობის ტვირთს მოემსახურება, თუმცა არ დააკონკრეტეს, იქნება თუ არა მათ შორის ისეთი სახიფათო ტვირთის გადატანა შესაძლებელი, როგორიცაა ნავთობი.

აღსანიშნია ისიც, რომ საქართველოსა და აზერბაიჯანს შორის დადებული საერთაშორისო ორმხრივი ხელშეკრულების მიხედვით, სამშენებლო სამუშაოების დასრულების შემდეგ რკინიგზის ექსპლუატაციაში შესვლამდე უნდა შეიქმნას ერთობლივი საწარმო. „ორ ქვეყანას შორის აღნიშნულ საკითხთან დაკავშირებით დაწყებულია შესაბამისი იურიდიული პროცედურები“, – განგვიცხადეს რკინიგზის ადმინისტრაციაში.

“მარაბდა-კარწახის რკინიგზა” 344 მილიონიან მოგებაზე გავიდა

მსგავსი სიახლეები

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ფინანსთა მინისტრმა ლაშა ხუციშვილმა და ეროვნული ბანკის პრეზიდენტის მოვალეობის შემსრულებელმა ნათია თურნავამ IMF-ის მმართველი დირექტორის მოადგილესთან, ბო ლისთან გამართეს შეხვედრა. მხარეთა…
ევროპის ცენტრალური ბანკი განაკვეთს მალე შეამცირებს – ლაგარდი

ევროპის ცენტრალური ბანკი განაკვეთს მალე შეამცირებს – ლაგარდი

ევროპის ცენტრალური ბანკის ხელმძღვანელის, კრისტინ ლაგარდის განცხადებით, უწყება რეფინანსირების განაკვეთს უახლოეს მომავალში შეამცირებს. მართალია, ბანკირს ზუსტი თარიღი არ დაუსახელებია, თუმცა ექსპერტები…
თბილისის ენერგომოხმარება იზრდება – “თელასი” ანგარიშს აქვეყნებს

თბილისის ენერგომოხმარება იზრდება – “თელასი” ანგარიშს აქვეყნებს

კომპანია „თელასმა“ 2024 წლის პირველი კვარტალის ოპერაციული მაჩვენებლები გამოაქვეყნა. ანგარიშის მიხედვით, თბილისის აბონენტების მიერ მოხმარებული ელექტროენერგია წლიურად 5.5%-ით არის გაზრდილი. ასევე…