“სანქციების საგამონაკლისო წესი ქვეყნის ფინანსურ სტაბილურობაზე ფონდის შეშფოთებას იწვევს”- IMF

“სანქციების საგამონაკლისო წესი ქვეყნის ფინანსურ სტაბილურობაზე ფონდის შეშფოთებას იწვევს”- IMF

“საერთაშორისო სავალუტო ფონდის“ (IMF) შეფასებით, საქართველოს ეროვნული ბანკის მიერ სანქციების აღსრულების წესში შეტანილი საგამონაკლისო ბრძანება ქვეყნის ფინანსური სტაბილურობის შესახებ ფონდის შეშფოთებას იწვევს. ამის შესახებ IMF-ის პრესსპიკერმა “ამერიკის ხმას” განუცხადა.

ამასთან, ფონდში განმარტავენ, რომ მათ მიერ მხარდაჭერილი პროგრამა საქართველოში არ შეწყვეტილა. მხარდაჭერის პროგრამის მეორე განხილვა ივნისში შეჩერდა, ის გადაიდო მას შემდეგ, რაც პარლამენტმა „ეროვნული ბანკის შესახებ კანონში“ ცვლილებები დაამტკიცა და სებ-ში პირველი ვიცე-პრეზიდენტის პოსტი გააჩინა. სწორედ ამ ცვლილების შედეგად სებ-ის პრეზიდენტის მოვალეობის შემსრულებლის პოსტი ნათია თურნავამ დაიკავა.

„უფრო ახლახან, ბოლოდროინდელი ცვლილება ბანკის რეგულაციებთან დაკავშირებით, იმის თაობაზე, თუ როგორ დაემორჩილება საერთაშორისო სანქციებს ბანკი, ასევე აჩენს შეშფოთებას ფინანსური სტაბილურობის თაობაზე, რომელიც ამ პროგრამის უმთავრესი მიზანია. იმ ახალი პროცესების გათვალისწინებით, რაც პროგრამის პირველი განხილვის შემდეგ განვითარდა, გუნდი და მმართველი პირები იღებენ დამატებით დროს იმისთვის, რომ მოძებნონ გზა საიმისოდ, რომ მაინც უზრუნველყოფილი იყოს პროგრამის მიზნების მიღწევა“, – განმარტავენ „საერთაშორისო სავალუტო ფონდში“.

BMG-ის კითხვაზე, იქონიებს თუ არა გავლენას პროგრამის აღდგენაზე ეროვნული ბანკის მიერ სანქციების აღსრულების წესში შეტანილი გამონაკლისი, ფინანსთა მინისტრი ლაშა ხუციშვილი პასუხობს, რომ თავად ფონდს აღნიშნულ საკითხზე საჯარო პოზიცია დაფიქსირებული აქვს. კითხვაზე თუკი ეროვნული ბანკის საბჭოში იქნებოდა მიიღებდა თუ არა ნათია თურნავას ანალოგიურ გადაწყვეტილებას, ლაშა ხუციშვილი არ პასუხობს.

“ამ მიმართულებით ფონდს საჯაროდაც აქვს პოზიცია დაფიქსირებული. ზოგადად რაც შეეხება სანქციებთან დაკავშირებით თქვენ შეკითხვასთან დაკავშირებით [მიიღებდა თუ არა იგივე გადაწყვეტილებას რაც ნათია თურნავამ მიიღო] ამის განხილვაში ვერ შევალ და ბუნებრივია ვერ ვიტყვი რა იქნებოდა. ხაზგასასმელი არის ის, რომ საქართველო ამ ბრძანებამდეც და ბრძანების შემდეგაც ასრულებდა საერთაშორისო სანქციებს და მომავალშიც შეასრულებს საერთაშორისო სანქციებს,”- განაცხადა ლაშა ხუციშვილმა. 

მსგავსი სიახლეები

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური და მტკნარი წლების ექსპორტი ისტორიულ მაქსიმუმზეა. ეს სასაქონლო ჯგუფი საქართველოსთვის ერთ-ერთი მთავარი ადგილობრივი წარმოების პროდუქტია, რომელიც წლების განმავლობაში უმსხვილეს საექსპორტო…
II კვარტალში საცხოვრებელი უძრავი ქონება 14.9%-ით გაძვირდა

II კვარტალში საცხოვრებელი უძრავი ქონება 14.9%-ით გაძვირდა

2024 წლის მეორე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.8%-ით გაიზარდა, ხოლო ინდექსის წლიურმა ზრდამ 14.9% შეადგინა.…
რა გავლენა ექნება ჩინურ ავტო ინდუსტრიაზე აშშ-სა და ევროკავშირის მიერ დაწესებულ საიმპორტო ტარიფებს?

რა გავლენა ექნება ჩინურ ავტო ინდუსტრიაზე აშშ-სა და ევროკავშირის…

აშშ-სა და ევროკავშირის მიერ ჩინურ ავტომობილებზე დაწესებულმა ტარიფებმა, შესაძლოა, დიდი ზეგავლენა მოახდინოს ჩინური ავტომობილების ინდუსტრიაზე. ეს ტარიფები მიმართულია არასამართლიანი კონკურენციისა და სუბსიდიების პრობლემების მოსაგვარებლად, რომლებსაც ჩინელი ავტომწარმოებლები იღებენ თავიანთი მთავრობისგან, რაც დასავლეთის ოფიციალური პირების აზრით, ჩინურ კომპანიებს უპირატესობას ანიჭებს გლობალურ ბაზრებზე. აშშ-სა და ევროკავშირის ტარიფები, სავარაუდოდ ,საგრძნობლად გაზრდის ჩინური ავტომობილების ფასს ბაზარზე, რაც გამოიწვევს ჩინელი მწარმოებელის კონკურენტუნარიანობის შემცირებას აშშ-სა და ევროკავშირის ადგლობრივ მწარმობელთან, ისევე როგორც სხვა საერთაშორისო კონკურენტებტან, რომლებიც არ ექვემდებარებიან მსგავს ტარიფებს. ეს გამოიწვევს ჩინური ავტომანქანების ექსპორტის შემცირებას ზემოთ ხსენებულ ბაზრებზე. შეერთებული შტატებში ჩინურ ავტომანქანების წარმოებოას მინიმალური ბაზრის წილი გააჩნიათ სხვა კონკურენტი ქვეყნებისგან განსხვავებით, როგორიცაა მექსიკა, იპონია, კანადა, სამხრეთ კორეა…