„საქართველოსთვის პერსპექტივები ჩნდება, რომ შუა დერეფანში დამატებითი ტვირთები მოიზიდოს“- ლევან დავითაშვილი

„საქართველოსთვის პერსპექტივები ჩნდება, რომ შუა დერეფანში დამატებითი ტვირთები მოიზიდოს“- ლევან დავითაშვილი

ჩინეთში „სარტყლისა და გზის ფორუმი” გაიმართა, რომელშიც საქართველოც მონაწილეობდა. ფორუმს რუსეთის პრეზიდენტი, ვლადიმერ პუტინის ესწრებოდა. ოპოზიცია და სამოქალაქო სექტორი ეკონომიკის მინისტრს და მთავრობას აღნიშნული ვიზიტის გამო აკრიტიკებდა. სწორედ ამ ფორუმზე დასწრებასთან დაკავშირებით, საქართველოს ეკონომიკის მინისტრი, ლევან დავითაშვილი დარგობრივი ეკონომიკისა და ეკონომიკური პოლიტიკის კომიტეტის სხდომაზე მიიწვიეს.

როგორც დავითაშვილმა სხდომაზე განაცხადა, ფორუმის შემდეგ ჩინეთმა შუა დერეფანს დიდი მნიშვნელობა მიანიჭა.

მისი ინფორმაციით, ჩინეთისთვის ეს იქნება მარშრუტი, რომელზეც ისინი აქცენტს გააკეთებენ, რაც ჩინეთის სახალხო რესპუბლიკას ამ დრომდე არასოდეს გაუჟღერებია.

აღსანიშნავია, რომ საქართველო ჩინეთთან აქტიურ მოლაპარაკებებს აწარმოებდა, მათ შორის პრეზიდენტთან, რომელმაც 8 ახალი პრიორიტეტიდან, ინიციატივის ფარგლებში პირველ პრიორიტეტად შუა დერეფნის განვითარება დაასახელა.

„საზოგადოებისთვის უცხო არ არის, რომ ძირითადი ტვირთნაკადები ჩინეთიდან წარმოიქმნება. იცით, რომ ჩინეთს ევროკავშირთან დაახლოებით ტრილიონამდე ტვირთის ბრუნვა აქვს. ასევე, რამდენიმე ასეული ბრუნვა აქვს ამერიკასთან.

ევროკავშირთან ძირითადი სავაჭრო ნაკადები ჩრდილოეთიდან ტრანსპორტირდება, რომელიც ბალტიის ქვეყნებსა და რუსეთზე გადის.

დღეს, საქართველოსთვის პერსპექტივები ჩნდება, რომ დერეფანში დამატებითი ტვირთები მოიზიდოს, რაც მთლიანად სექტორის განვითარებას უკავშირდება,“- აცხადებს დავითაშვილი.

მისივე ცნობით, დღეს უკვე რეალისტური ხდება ისეთი პროექტები, რომლებზეც წლების განმავლობაში საუბარი მიმდინარეობდა. მათ შორის, რეალისტური ხდება რკინიგზის მოდერნიზაცია, ამასთან გზების მშენებლობას უფრო მეტი აზრი ექნება, ეკონომიკური კუთხით.

ინფორმაციისთვის, ჩინეთში „სარტყლისა და გზის ფორუმს” 10 წლის თავზე 130 ქვეყნის წარმომადგენელი ესწრებოდა. მათ შორის, რუსეთის პრეზიდენტი ვლადიმერ პუტინი და უნგრეთის პრემიერ-მინისტრი ვიქტორ ორბანი.

მსგავსი სიახლეები

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

აქსელის, საქართველოს ბიზნეს ანგელოზთა ქსელის ინიციატივით, საქართველომ ევროპის ბიზნეს ანგელოზთა ქსელის (EBAN) კონგრესის მასპინძლობისათვის განაცხადი შეიტანა. ევროპის ბიზნეს ანგელოზთა კონგრესი არის ერთ-ერთი ყველაზე მნიშვნელოვანი საინვესტიციო კონფერენცია ევროპაში, რომელიც…
წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება, 2025 წელს 4.8%-მდე დაჩქარდება – IMF

წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება,…

საერთაშორისო სავალუტო ფონდმა 2024 წლისთვის ეკონომიკური ზრდის პროგნოზები განაახლა. ორგანიზაციის პროგნოზის მიხედვით, მიმდინარე წელს კავკასიისა და ცენტრალური აზიის რეგიონში ეკონომიკური ზრდა…
ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ, “ტრანსკასპიური საერთაშორისო სატრანსპორტო მარშრუტით” საკონტეინერო გადაზიდვები განახლდა. გადაზიდვას სინცზიანიდან ნეაპოლამდე „ტრანსკასპიური საერთაშორისო სატრანსპორტო მარშრუტი“ და…