ტენდერში ჩინური კომპანიის გამარჯვება იძლევა გარანტიას, რომ ანაკლიის პროექტი უმაღლეს დონეზე განხორციელდება – პრემიერი

ტენდერში ჩინური კომპანიის გამარჯვება იძლევა გარანტიას, რომ ანაკლიის პროექტი უმაღლეს დონეზე განხორციელდება – პრემიერი

პრემიერ-მინისტრი ირაკლი კობახიძე ამბობს, რომ ჩინური კომპანიის მიერ ანაკლიის ღრმაწყლოვანი პორტის ტენდერში გამარჯვება გარანტიაა, რომ პროექტი უმაღლეს დონეზე განხორციელდება.

როგორც კობახიძემ ჟურნალისტებთან განაცხადა, ჩინური კომპანიის მიმართ სპეკულაციები ვრცელდება, თუმცა კომპანიას დიდი გამოცდილება აქვს, ხოლო ჩინურ ტვირთებს განსაკუთრებული მნიშვნელობა ენიჭება. მან ასევე აღნიშნა, რომ წინა კონსორციუმმა, გადავადებების მიუხედავად, ინვესტორის მოზიდვა ვერ შეძლო.

„უამრავი სპეკულაცია მოვისმინეთ ჩინურ კომპანიასთან დაკავშირებით. ამ დროს, ეს არის ერთ-ერთი უმსხვილესი ჩინური სახელმწიფო კომპანია, რომელსაც აქვს უდიდესი გამოცდილება მათ შორის ამ ტიპის პროექტების განხორციელების. შემოიტანეს ძალიან კარგი განაცხადი. შესაბამისად, ჩინური კომპანიის მიერ ამ ტენდერის მოგება იძლევა გარანტიას, რომ ანაკლიის პროექტი უმაღლეს დონეზე განხორციელდება.

რაც შეეხება პოლიტიკურ ოპონენტებს, რომლებიც თავის დროზე ჩართული იყვნენ ანაკლიასთან დაკავშირებულ პროცესებში. მათ არაერთხელ გადაუვადა სახელმწიფომ იმის შესაძლებლობა, რომ მოეზიდათ ინვესტორი, თუმცა წლების განმავლობაში ვერ შეძლეს. შესაბამისად, ცდილობენ ამ პასუხისმგებლობის სხვაზე გადატანას.

ჩინური კომპანიის მონაწილეობით ანაკლიის პორტის პროექტის განხორციელება განსაკუთრებით მნიშვნელოვანია იქიდან გამომდინარე, რომ ჩინურ ტვირთებს ენიჭება განსაკუთრებული მნიშვნელობა ამ პორტის ეფექტიანი ფუნქციონირებისათვის. სპეკულაციები უადგილოა, ვხედავთ, რომ ვინც დაიწყო სპეკულაციები, იღებს საგრანტო დაფინანსებას უცხოური საეჭვო წყაროებიდან და სწორედ ამითაა ნაკარნახევი ანტი ჩინური კამპანია“, – თქვა ირაკლი კობახიძემ.

ანაკლიის ღრმაწყლოვანი პორტის ინვესტორის საერთაშორისო კონკურსში ჩინურმა კონსორციუმმა გაიმარჯვა. ღრმაწყლოვანი პორტის პროექტს ჩინეთის სახელმწიფო კორპორაცია China Communications Construction Company Limited-ისა და China Harbour Investment Pte-ს ჰოლდინგი ააშენებს. აღსანიშნავია, რომ ანაკლიის პორტის ინვესტორი ჩინური კონსორციუმის შვილობილი კომპანიები აშშ-ის მიერ არის სანქცირებული.

მსგავსი სიახლეები

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ჩვენი ამოცანაა, რომ ჩვენ ქვეყანას აღვუდგინოთ ტრადიციული ფუნქცია, დამაკავშირებელი ფუნქცია, ეს არის დაკავშირება დასავლეთსა და აღმოსავლეთს შორის, ევროპასა და აზიას შორის,…
რუსეთიდან ბენზინის ექსპორტის აკრძალვა აგვისტოდან განახლდება

რუსეთიდან ბენზინის ექსპორტის აკრძალვა აგვისტოდან განახლდება

რუსეთის მთავრობა ბენზინის ექსპორტის აკრძალვას აგვისტოდან გააახლებს. რუსეთის ვიცე-პრემიერის განცხადებით, ენერგეტიკის სამინისტრომ ითხოვა, აკრძალვა სექტემბერ-ოქტომბრამდე გაგრძელდეს. ცნობისთვის, ბენზინის ექსპორტის აკრძალვა რუსეთმა…
საიდან შემოდის ყველაზე ძვირად ღირებული ავტომობილები საქართველოში? – TOP-5

საიდან შემოდის ყველაზე ძვირად ღირებული ავტომობილები საქართველოში? – TOP-5

2024 წლის იანვარ-ივნისში საქართველომ 1.2 მლნ აშშ დოლარის ავტომობილები იყიდა. საქართველოდან კი 933.9 მლნ აშშ დოლარის ავტომობილები გადაყიდა. თითქმის უცვლელია ავტომობილების იმპორტიორი…