ჩინეთთან სავაჭრო ბრუნვა 18.6%-ით შემცირდა – რით ვვაჭრობთ უმსხვილეს სავაჭრო პარტნიორთან?

ჩინეთთან სავაჭრო ბრუნვა 18.6%-ით შემცირდა – რით ვვაჭრობთ უმსხვილეს სავაჭრო პარტნიორთან?

საქართველოს ერთ-ერთ უმსხვილეს სავაჭრო პარტნიორ ჩინეთთან მიმდინარე წლის პირველ კვარტალში საქონლით ვაჭრობა 18.6%-ით შემცირდა. შედეგად, სავაჭრო ბრუნვამ 376.023 მლნ აშშ დოლარი შეადგინა.

ოფიციალური სტატისტიკის მიხედვით, ვაჭრობის კლების მიუხედავად, ჩინეთი საქართველოს უმსხვილეს სავაჭრო პარტნიორებს შორის 7.9%-იანი წილით მესამე ადგილზეა.

საქართველოდან ჩინეთში ექსპორტი იანვარ-მარტში, გასული წლის ამავე პერიოდთან შედარებით 39.4%-ით შემცირდა. ამ პერიოდის განმავლობაში ქვეყანამ ჩინეთში საქონლის რეალიზებით 133 მილიონ 332 ათასი დოლარის შემოსავალი მიიღო და 9.1%-იანი წილით პარტნიორებს შორის მეოთხე ადგილი დაიკავა. აღსანიშნია, რომ გასული წლის ამავე პერიოდში ჩინეთი 18.8%-იანი წილითა და 220 მილიონიანი ექსპორტით უმსხვილესი ქვეყნების ათეულში პირველ ადგილზე იყო.

საქართველოდან ჩინეთში ექსპორტირებული სასაქონლო ჯგუფების TOP-5-ეული ასეთია:

1. სპილენძის მადნები და კონცენტრატები – 103.5 მლნ დოლარი, კლება – 41.9%;
2. ძვირფასი ლითონების მადნები და კონცენტრატები – 14.8 მლნ დოლარი, კლება – 32.4%;
3. ხელსაწყოები და მოწყობილობები მედიცინაში ან ვეტერინარიაში გამოსაყენებელი – 6.3 მლნ დოლარი, ზრდა – 55%;
4. ყურძნის ნატურალური ღვინოები – 2.6 მლნ დოლარი, კლება – 12.2%;
5. მსუბუქი ავტომობილები – 1.4 მლნ დოლარი, ზრდა – 4 771%;

დანარჩენი საქონლის ექსპორტი 64.1%-ით შემცირდა.

პირველ კვარტალში ჩინეთიდან საქონლის იმპორტი გაიზარდა, თუმცა მცირედით. შესაბამისად საქართველომ ამ პერიოდში 242 მილიონ 691 ათასი დოლარის ღირებულების საქონელი იყიდა და 7.3%-იანი წილით უმსხვილესი იმპორტიორი სახელმწიფოების ათეულში მეოთხე ადგილი დაიკავა. ზრდა 0.3% იყო.

ჩინეთიდან იმპორტირებული საქონლის TOP-5-ეული ასე გამოიყურება:

1. გამომთვლელი მანქანები და მათი ბლოკები – 25.2 მლნ დოლარი, ზრდა – 321%;
2. მარტივი პოლიაცეტალები, პოლიეთერები და ეპოქსიდის ფისები – 7.5 მლნ დოლარი, კლება – 56.8%;
3. ბრტყელი ნაგლინი ნახშირბადიანი ფოლადისაგან სიგანით – 6.6 მლნ დოლარი, კლება – 1.4%;
4. რეზინის ახალი პნევმატური სალტეები და საბურავები – 5.2 მლნ დოლარი, კლება – 32.4%
5. აპარატურა მიმღები სატელევიზიო კავშირისათვის – 5.2 მლნ დოლარი, კლება – 10.4%.

დანარჩენი საქონლის იმპორტი 2.6%-ით შემცირდა.

მსგავსი სიახლეები

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

აქსელის, საქართველოს ბიზნეს ანგელოზთა ქსელის ინიციატივით, საქართველომ ევროპის ბიზნეს ანგელოზთა ქსელის (EBAN) კონგრესის მასპინძლობისათვის განაცხადი შეიტანა. ევროპის ბიზნეს ანგელოზთა კონგრესი არის ერთ-ერთი ყველაზე მნიშვნელოვანი საინვესტიციო კონფერენცია ევროპაში, რომელიც…
წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება, 2025 წელს 4.8%-მდე დაჩქარდება – IMF

წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება,…

საერთაშორისო სავალუტო ფონდმა 2024 წლისთვის ეკონომიკური ზრდის პროგნოზები განაახლა. ორგანიზაციის პროგნოზის მიხედვით, მიმდინარე წელს კავკასიისა და ცენტრალური აზიის რეგიონში ეკონომიკური ზრდა…
ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ, “ტრანსკასპიური საერთაშორისო სატრანსპორტო მარშრუტით” საკონტეინერო გადაზიდვები განახლდა. გადაზიდვას სინცზიანიდან ნეაპოლამდე „ტრანსკასპიური საერთაშორისო სატრანსპორტო მარშრუტი“ და…