0.5 მლნ ევროს უკანონო შემოსავლის ლეგალიზაციის ფაქტი გამოვავლინეთ – პროკურატურა

0.5 მლნ ევროს უკანონო შემოსავლის ლეგალიზაციის ფაქტი გამოვავლინეთ – პროკურატურა

მთავარი პროკურატურის ინფორმაციით, ტრანსნაციონალური დანაშაული გახსნეს და 500 000 ევროს უკანონო შემოსავლის ლეგალიზაციის ფაქტი გამოავლინეს. შედეგად, სისხლისსამართლებრივი დევნა ორი ფიზიკური და ერთი იურიდიული პირის მიმართ არის დაწყებული.

 

გამოძიებით ვერსიით, ავსტრიის მოქალაქემ დიდი ოდენობით თანხის მოტყუებით დაუფლების მიზნით, სამედიცინო ნიღბების შეძენის მსურველი ჩეხური კომპანიის წარმომადგენლები და გერმანიაში მცხოვრები მოქალაქეები საჭირო საქონლის მიწოდებაში დაარწმუნა.

 

მხარეებს შორის მიღწეული შეთანხმების შესაბამისად, ბრალდებულის საკუთრებაში არსებული კომპანიის საზღვარგარეთ გახსნილ საბანკო ანგარიშზე, 2020 წლის მარტში, ჩეხურმა კომპანიამ 1 120 000 ევრო, ხოლო 2020 წლის მაისში, გერმანიაში მცხოვრებმა მოქალაქეებმა – 180 000 ევრო გადარიცხეს. წინასწარი განზრახვის შესაბამისად, ბრალდებულმა დამკვეთებს არ მიაწოდა შეკვეთილი საქონელი, ხოლო საბანკო ანგარიშზე ჩარიცხულ თანხებს მართლსაწინააღმდეგოდ დაეუფლა, რითაც დაზარალებულებს დიდი ოდენობით მატერიალური ზიანი მიადგათ.

 

“ბრალდებულმა დანაშაულებრივი გზით მოპოვებული ფულის გათეთრების მიზნით, კომპანიის ანგარიშზე აკუმულირებული უკანონო შემოსავალი, ფიქტიური დანიშნულებით და ყალბი დოკუმენტების გამოყენებით, საქართველოში, მასთან დანაშაულებრივ კავშირში მყოფი საქართველოს მოქალაქის კუთვნილი საწარმოს საბანკო ანგარიშზე გადმორიცხა. შემდგომში, კომპანიის ანგარიშიდან განაღდებული თანხა, საქართველოს მოქალაქის სარგებლის გამოკლებით, ბრალდებულს და ამ უკანასკნელთან დაკავშირებულ პირებს გადაერიცხათ.

 

აღნიშნული ქმედებით, დანაშაულებრივი ჯგუფის წევრებმა მოახდინეს დაახლოებით 500 000 ევროს ოდენობით უკანონო შემოსავლის ლეგალიზაცია”, – წერია პროკურატურის განცხადებაში. 

 

ბრალდებული ფიზიკური პირების მიმართ სისხლისსამართლებრივი დევნა სისხლის სამართლის კოდექსის 194-ე მუხლის მეორე ნაწილის „ა“ და მესამე ნაწილის „გ“ ქვეპუნქტებით დაიწყო (ჯგუფურად ჩადენილი უკანონო შემოსავლის ლეგალიზაცია, რასაც თან ახლდა განსაკუთრებით დიდი ოდენობით შემოსავლის მიღება), რაც 9-დან 12 წლამდე თავისუფლების აღკვეთას ითვალისწინებს.

 

რეზიდენტი იურიდიული პირის ქმედება საქართველოს სისხლის სამართლის კოდექსის 194-ე მუხლის მესამე ნაწილის „გ“ ქვეპუნქტით დაკვალიფიცირდა (უკანონო შემოსავლის ლეგალიზაცია, რასაც თან ახლდა განსაკუთრებით დიდი ოდენობით შემოსავლის მიღება), რაც სასჯელის სახედ ლიკვიდაციას ან საქმიანობის უფლების ჩამორთმევას და ჯარიმას ითვალისწინებს. ბრალდებულებს აღკვეთის ღონისძიების სახით პატიმრობა შეეფარდათ.

მსგავსი სიახლეები

ქვეშეთი–კობის გზის პროექტის ფარგლებში თაღოვანი ხიდის მშენებლობის ერთ-ერთი ყველაზე რთული ეტაპი დასრულდა – რევაზ სოხაძე

ქვეშეთი–კობის გზის პროექტის ფარგლებში თაღოვანი ხიდის მშენებლობის ერთ-ერთი ყველაზე…

„ნებისმიერი ახალი გზა, რომელიც ჩვენს ქვეყანაში შენდება, არის კიდევ ერთი ნაბიჯი საქართველოს ეკონომიკური გაძლიერებისა და სუვერენიტეტის განმტკიცებისკენ“, – ამის შესახებ საქართველოს…
“სარფის მიმართულებით 8-კილომეტრიანი გვირაბის მშენებლობა, სავარაუდოდ, იანვარ-თებერვალში დაიწყება – რევაზ სოხაძე

“სარფის მიმართულებით 8-კილომეტრიანი გვირაბის მშენებლობა, სავარაუდოდ, იანვარ-თებერვალში დაიწყება –…

ინფრასტრუქტურის მინისტრის, რევაზ სოხაძის განცხადებით, მომდევნო ხუთ წელიწადში დაგეგმილია ყველა იმ ძირითადი მაგისტრალური გზის მშენებლობის დასრულება, რომელზეც სამუშაოები უკვე მიმდინარეობს ან…
ოქტომბერში ბიზნესის ინფლაციური მოლოდინები შემცირდა – სებ-ი

ოქტომბერში ბიზნესის ინფლაციური მოლოდინები შემცირდა – სებ-ი

2026 წლის ოქტომბერში ბიზნესსექტორში ერთწლიანი და სამწლიანი ინფლაციური მოლოდინები შემცირდა, თუმცა ხელფასების ზრდის მოლოდინი გაიზარდა. ამასთან, კომპანიების ნაწილი მომდევნო ერთი წლის…