FED-ის გადაწყვეტილების მოლოდინში ბირჟაზე ნავთობის ფასები იზრდება

FED-ის გადაწყვეტილების მოლოდინში ბირჟაზე ნავთობის ფასები იზრდება

მიმდინარე კვირას მსოფლიოს ყურადღების ცენტრში აშშ-ის ფედერალური რეზერვი და ევროპის ცენტრალური ბანკია, FED-ისა და ECB-ის გადაწყვეტილების მოლოდინში საერთაშორისო ენერგეტიკულ და საფონდო ბირჟებზე აღმასვლის ტენდენცია ფიქსირდება.

გასულ 24 საათში ბარელი Brent-ის ფასი 80 დოლარამდე გაიზარდა; WTI Crude-ის ღირებულებამ კი 75-დოლარიან ნიშნულს მიაღწია. რაც შეეხება რუსულ ნავთობს, Urals-ის ფასი 3.5%-ითაა გაზრდილი და ამჟამად 57 დოლარს აღწევს.

ბირჟაზე დაფიქსირებული აღმასვლის ტენდენცია სტატისტიკის ფედერალური ბიუროს მიერ გავრცელებულ მონაცემებთანაა დაკავშირებული. როგორც ირკვევა, აშშ-ში ინფლაციის დონე მოსალოდნელზე მეტად შემცირდა, 7.1%-იან ნიშნულამდე.

სამომხმარებლო ფასების ზრდის ტემპის შენელების ტენდენცია ფიქსირდება საბაზო ინფლაციასთან (CPI) დაკავშირებითაც, რომელიც წლიურ 6.0%-მდე შემცირდა, ნაცვლად ნავარაუდევი 6.3%-ისა.

ექსპერტების შეფასებით, CPI-ს შენელება ფედერალური რეზერვის მიერ მონეტარული პოლიტიკის გამკაცრების ტემპის შენელებას გამოიწვევს და FED-ს რეფინანსირების განაკვეთის 0.50%-იანი ზრდისკენ უბიძგებს, ნაცვლად 0.75%-ისა. გარდა ამისა, სამომხმარებლო ფასების ზრდის ტემპის შენელება აჩენს იმის ფიქრის საშუალებას, რომ FED-მა გამკაცრების პროცესი რამდენიმე თვით ადრე დაასრულოს.

შემსუბუქებული მონეტარული პოლიტიკა ეკონომიკური აქტივობის ზრდას და რეცესიის განვითარების რისკების შემცირებას იწვევს, მოგეხსენებათ, მობილობა და საწვავის მოხმარება პირდაპირ კავშირშია ეკონომიკურ აქტივობასთან, შესაბამისად, FED-ისა და ECB-ის მიერ მონეტარული პოლიტიკის გამკაცრების ტემპის შემსუბუქებას ენერგეტიკულ ბირჟებზე პოზიტიური გავლენა ექნება.

მსგავსი სიახლეები

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

აქსელის, საქართველოს ბიზნეს ანგელოზთა ქსელის ინიციატივით, საქართველომ ევროპის ბიზნეს ანგელოზთა ქსელის (EBAN) კონგრესის მასპინძლობისათვის განაცხადი შეიტანა. ევროპის ბიზნეს ანგელოზთა კონგრესი არის ერთ-ერთი ყველაზე მნიშვნელოვანი საინვესტიციო კონფერენცია ევროპაში, რომელიც…
წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება, 2025 წელს 4.8%-მდე დაჩქარდება – IMF

წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება,…

საერთაშორისო სავალუტო ფონდმა 2024 წლისთვის ეკონომიკური ზრდის პროგნოზები განაახლა. ორგანიზაციის პროგნოზის მიხედვით, მიმდინარე წელს კავკასიისა და ცენტრალური აზიის რეგიონში ეკონომიკური ზრდა…
ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ, “ტრანსკასპიური საერთაშორისო სატრანსპორტო მარშრუტით” საკონტეინერო გადაზიდვები განახლდა. გადაზიდვას სინცზიანიდან ნეაპოლამდე „ტრანსკასპიური საერთაშორისო სატრანსპორტო მარშრუტი“ და…