GLOBSEC 2022 ფორუმი

GLOBSEC 2022 ფორუმი

საქართველოს ეკონომიკისა და მდგრადი განვითარების მინისტრმა ბრატისლავაში,
GLOBSEC 2022 ფორუმის ფარგლებში, „Europe’s Addiction Problem: Russian Energy”
განხილული საკითხების შეფასებისას მედიასთან ისაუბრა.
ლევან დავითაშვილის განცხადებით, გამოწვევები, რომლებიც, მათ შორის,
ეკონომიკური უსაფრთხოების თვალსაზრისით დგას მსოფლიოს წინაშე, დაძლეული
უნდა იყოს საერთო ძალისხმევით.
„მონაწილეობა ისეთ ღონისძიებებში, სადაც თავს იყრიან ევროპის როგორც
პოლიტიკური, ისე ბიზნესლიდერები და მათთან მუდმივი კომუნიკაცია, საქართველოს
გზავნილების პირველი წყაროდან მიტანა, საქართველოს პრიორიტეტულობის კიდევ
ერთხელ წარმოჩენა და დაფიქსირება ძალიან მნიშვნელოვანია“ – აღნიშნა ლევან
დავითაშვილმა.
მისივე შეფასებით, დღეს ერთობის გარეშე არაფრის მიღწევა არ გამოვა და ერთობა
ჭირდება როგორც საქართველოს, ისე ევროკავშირს. ასევე აღნიშნა, რომ საქართველოს
განსაკუთრებული როლი გააჩნია, რათა თავისი წვლილი შეიტანოს ევროპის
ეკონომიკურ უსაფრთხოებაში.
„ენერგეტიკული რესურსების ალტერნატიულ მარშრუტებს და ზოგადად, მიწოდების
დივერსიფიკაციას დღევანდელ დღეს ძალიან დიდი მნიშვნელობა გააჩნია. ჩვენი
თანამშრომლობა ევროკავშირთან კიდევ უფრო მაღალ ხარისხში უნდა განვავითაროთ
იმისთვის, რომ უზრუნველვყოთ როგორც საქართველოს უსაფრთხოება,
ენერგოდამოუკიდებლობა, ასევე წვლილი შევიტანოთ საერთო ევროპულ ეკონომიკურ
უსაფრთხოებასა და ეკონომიკურ დამოუკიდებლობაში“ – აღნიშნა ლევან
დავითაშვილმა.
ვიცე-პრემიერი სლოვაკეთში საქართველოს სამთავრობო დელეგაციის ვიზიტის
ფარგლებში იმყოფება, რომელსაც ქვეყნის პრემიერ-მინისტრი ხელმძღვანელობს.

მსგავსი სიახლეები

„ზედიზედ 2 წელი ორნიშნა ეკონომიკური ზრდა გვაქვს, რაც სწორი პოლიტიკის შედეგია“

„ზედიზედ 2 წელი ორნიშნა ეკონომიკური ზრდა გვაქვს, რაც სწორი…

საქართველოს პრემიერ მინისტრ ირაკლი ღარიბაშვილის განცხადებით, ზედიზედ 2 წლის განმავლობაში ორნიშნა ეკონომიკური ზრდა სწორი ეკონომიკური პოლიტიკის შედეგია. ამის შესახებ მან მთავრობის…
ახალი ტურისტული ლოკაციების განვითარებისთვის ბიუჯეტიდან 200 მლნ გამოიყოფა – ვინ შეასრულებს პროექტებს?

ახალი ტურისტული ლოკაციების განვითარებისთვის ბიუჯეტიდან 200 მლნ გამოიყოფა –…

საქართველოს პრემიერ-მინისტრის განცხადებით, ახალი ტურისტული ლოკაციების განვითარების პროგრამისთვის ბიუჯეტიდან ₾200 მლნ გამოიყოფა. ამის შესახებ ირაკლი ღარიბაშვილმა მთავრობის სხდომის დაწყებამდე 2023 წლის…
საქართველოს ფულის გათეთრების წინააღმდეგ ბრძოლაში პროგრესი აქვს – MONEYVAL

საქართველოს ფულის გათეთრების წინააღმდეგ ბრძოლაში პროგრესი აქვს – MONEYVAL

ევროპის საბჭოს ფულის გათეთრების საწინააღმდეგო ორგანო MONEYVAL-ი საქართველოს შესახებ ახალ ანგარიშს აქვეყნებს, სადაც აღნიშნულია, რომ საქართველომ ფულის გათეთრებისა და ტერორიზმის დაფინანსების…