თსუ გამოშვება 2022

თსუ გამოშვება 2022

  • თსუ
  • აგვისტო 14, 2022
  • 206

ივანე ჯავახიშვილის სახელობის თბილისის სახელმწიფო უნივერსიტეტის
ბაკალავრიატისა და მაგისტრატურის კურსდამთავრებულთა მეასე საიუბილეო
გამოშვების საზეიმო ღონისძიება კუს ტბაზე  გაიმართა. 2022 წელს თსუ 3400-ზე მეტმა
სტუდენტმა დაამთავრა.
კურსდამთავრებულებს უნივერსიტეტის დასრულება მიულოცეს თსუ რექტორმა
გიორგი შარვაშიძემ, აკადემიური საბჭოს წევრებმა, ფაკულტეტების დეკანებმა, თსუ
წარმატებულმა კურსდამთავრებულებმა.  
„წელს განსაკუთრებული გამოშვებაა, რადგანაც ეს არის თბილისის სახელმწიფო
უნივერსიტეტის საიუბილეო – მეასე გამოშვება.  ვულოცავ ყველა კურსდამთავრებულს,
ვუსურვებ წარმატებას ცხოვრებაში, დამოუკიდებელ ცხოვრებაში. არ დაეკარგოთ ის
კავშირები, რომელიც უნდა ჰქონდეთ დედა უნივერსიტეტთან. დარწმუნებული ვარ,
რომ ამ კავშირს შეინარჩუნებენ მთელი ცხოვრების განმავლობაში,“-განაცხადა
რექტორმა გიორგი შარვაშიძემ.
2022 წლის ბაკალავრიატისა და მაგისტრატურის საფეხურის შვიდივე ფაკულტეტის  
ყველაზე წარმატებულ კურსდამთავრებულებს თსუ-მა სამახსოვრო საჩუქრები გადასცა.
ფსიქოლოგიისა და განთლების მეცნიერებათა ფაკულტეტის წარჩინებულმა
სტუდენტმა ნინო  ხოხიაშვილმა ყველა კურსდამთავრებულს მიულოცა საზეიმო დღე.
„ძალიან მიხარია რომ თსუ კურსდამთავრებული ვარ. თბილისის სახელმწიფო
უნივერსიტეტმა საშუალება მოგვცა რომ ეს დღე ასე აღგვენიშნა, ასეთ სასიამოვნო
გარემოში.  ამ ღონისძიებაზე თსუ-მ ყველა ფაკულტეტის წარჩინებული  სტუდენტები
დააჯილდოვა და მიხარია, რომ მეც მათ შორის ვარ.  ყველა კურსდამთავრებულს
ვუსურვებ წარმატებას და იმ ცოდნისა და უნარების გამოყენებასა და განვითარებას,
რაც უნივერსიტეტში მივიღეთ“,-აღნიშნა ნინო ხოხიაშვილმა.
კუს ტბაზე შეკრებილი ახალგაზრდების გართობაზე იზრუნეს ბენდმა „Goofy Land”, Dj
Katse, Dj Avivx და Dj        Monk.
ღონისძიების დასრულების შემდეგ თსუ კურსდამთავრებულებს ვებგვერდიდან
gifme.ge სამახსოვრო ვირტუალური დიპლომების გადმოწერისა და საკუთარ სოციალურ
პლატფორმაზე გაზიარების შესაძლებლობა აქვთ. 
 
                                                                                                                                                        
                                  
2022 წლის გამოშვების აღნიშვნა 25 ივლისიდან თსუ პირველ და მეათე (მაღლივ)
კორპუსებში ფოტოზონების განლაგებით დაიწყო, სადაც სტუდენტები სამახსოვრო
ფოტოებს იღებდნენ.  
ივანე ჯავახიშვილის სახელობის  თბილისის სახელმწიფო უნივერსიტეტში 240-მდე
საგანმანათლებლო პროგრამაზე, მათ შორის FIBAA და ABET საერთაშორისო
აკრედიტაციების მქონე და  27 უცხოენოვან პროგრამაზე, 22 000-ზე მეტი სტუდენტი
სწავლობს.

თბილისის სახელმწიფო უნივერსიტეტს პირველი გამოშვება 1922 წელს ჰყავდა. ამ ხნის
მანძილზე, თსუ 300 ათასზე მეტმა სტუდენტმა დაამთავრა. ახალ 2022-2023 სასწავლო
წელს თსუ 6600-მდე პირველკურსელს მიიღებს.

.

მსგავსი სიახლეები

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

აქსელის, საქართველოს ბიზნეს ანგელოზთა ქსელის ინიციატივით, საქართველომ ევროპის ბიზნეს ანგელოზთა ქსელის (EBAN) კონგრესის მასპინძლობისათვის განაცხადი შეიტანა. ევროპის ბიზნეს ანგელოზთა კონგრესი არის ერთ-ერთი ყველაზე მნიშვნელოვანი საინვესტიციო კონფერენცია ევროპაში, რომელიც…
წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება, 2025 წელს 4.8%-მდე დაჩქარდება – IMF

წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება,…

საერთაშორისო სავალუტო ფონდმა 2024 წლისთვის ეკონომიკური ზრდის პროგნოზები განაახლა. ორგანიზაციის პროგნოზის მიხედვით, მიმდინარე წელს კავკასიისა და ცენტრალური აზიის რეგიონში ეკონომიკური ზრდა…
ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ, “ტრანსკასპიური საერთაშორისო სატრანსპორტო მარშრუტით” საკონტეინერო გადაზიდვები განახლდა. გადაზიდვას სინცზიანიდან ნეაპოლამდე „ტრანსკასპიური საერთაშორისო სატრანსპორტო მარშრუტი“ და…