აშშ-ის ახალი ელჩი რობინ დანიგენი საქართველოშია

აშშ-ის ახალი ელჩი რობინ დანიგენი საქართველოშია

აშშ-ის ახალი ელჩი, რობინ დანიგენი საქართველოშია. ინფორმაციას საქართველოში აშშ-ის საელჩო ავრცელებს.

„საელჩო სიხარულით მიესალმება ელჩი რობინ დანიგენის ჩამოსვლას საქართველოში“, – წერია საელჩოს ოფიციალურ ვებ-გვერდზე.

სახელმწიფო დეპარტამენტის საიტზე წერია, რომ დეპარტამენტში საქმიანობა დანიგენმა ივნისში დაასრულა. ის სახელმწიფო დეპარტამენტის ევროპისა და ევრაზიის საკითხების ბიუროში, ცენტრალური და აღმოსავლეთ ევროპის საკითხებში, სახელმწიფო მდივნის თანაშემწის მოადგილის თანამდებობას იკავებდა. მანამდე ის 2018-2021 წლებში ავსტრიაში აშშ-ის საელჩოში იყო საქმეთა დროებითი რწმუნებული და მისიის უფროსის მოადგილე.

სხვადასხვა დროს კი ის იკავებდა ენერგორესურსების ბიუროს მდივნის თანაშემწის მოადგილის პოზიციას. მუშაობდა აშშ-ის საელჩოებში ვიეტნამში, ჩილეში, თურქეთში, კუბასა და ელ სალვადორში.

საბოლოო ჯამში, დანიგენი 30-წლიანი გამოცდილების მქონე კარიერული დიპლომატია, რომელიც სახელმწიფო დეპარტამენტში 1992 წლიდან მუშაობს.

რაც შეეხება მის განათლებას, დანიგენს მაგისტრის ხარისხი მიღებული აქვს ჯორჯთაუნის უნივერსიტეტში, ხოლო ბაკალავრის ხარისხი ბერკლიში. ჯერჯერობით უცნობია როდიდან დაიწყებს ახალი ელჩი საქმიანობას.

პროტოკოლის მიხედვით, სანამ ოფიციალურად მოვალეობის შესრულებას შეუდგება ახალმა ელჩმა საქართველოს პრეზიდენტს რწმუნების სიგელები უნდა გადასცეს.

 

დანიგენმა თანამდებობაზე კელი დეგნანი შეცვალა, რომელიც ამ პოსტს 2020 წლიდან იკავებდა.

მსგავსი სიახლეები

ფოთი-კონსტანცას ხაზზე ახალი ბორანი სექტემბრიდან დაემატება

ფოთი-კონსტანცას ხაზზე ახალი ბორანი სექტემბრიდან დაემატება

ქართული კომპანია E60 Shipping Line-ი ფოთი-კონსტანცას ხაზზე საბორნე მიმოსვლას სექტემბრიდან აფართოებს. როგორც კომპანიის დირექტორმა, შალვა წაქაძემ bm.ge-სთან განაცხადა, გაფართოების გადაწყვეტილება გადაზიდვებზე…
ჩინეთი საქართველოს მესამე უმსხვილესი სავაჭრო პარტნიორია – რით ვვაჭრობთ სტრატეგიულ პარტნიორთან?

ჩინეთი საქართველოს მესამე უმსხვილესი სავაჭრო პარტნიორია – რით ვვაჭრობთ…

2024 წლის იანვარ-მაისის წინასწარი მონაცემებით, ჩინეთი, 691.6 მილიონ დოლარიანი ბრუნვით, საქართველოს მესამე უმსხვილესი სავაჭრო პარტნიორია. საქსტატის მონაცემებით, წლის პირველ ხუთ თვეში ჩინეთზე საქართველოს მთლიანი…
ყალბი ფულის გასაღებისთვის ერთი პირი დააკავეს

ყალბი ფულის გასაღებისთვის ერთი პირი დააკავეს

საქართველოს ფინანსთა სამინისტროს საგამოძიებო სამსახურის თანამშრომლების მიერ, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ყალბი ფულის გასაღების ფაქტზე, დაკავებულ იქნა ერთი…