რობინ დანიგანი: შეერთებული შტატები თქვენთან ერთად აღნიშნავს, რომ ხართ ქართველები და მაშასადამე – ევროპელები
- საზოგადოება
- დეკემბერი 15, 2023
- 406
საქართველოში ამერიკის შეერთებული შტატების ელჩი რობინ დანიგანი საქართველოს და ქართველებს ევროკავშირის კანდიდატის სტატუსის მიღებას ულოცავს. დიპლომატის ვიდეო მილოცვას აშშ-ის საელჩო საქართველოში Facebook-ის გვერდზე აქვეყნებს.
რობინ დანიგანი აღნიშნავს, რომ აშშ საქართველოს ევროინტეგრაციის გზაზე მხარს უჭერდა და აცხადებს, რომ ამ მხარდაჭერას კვლავაც გააგრძელებს.
„გილოცავთ ყველა ქართველს! დღეს მართლაც ისტორიული დღეა. ამერიკის შეერთებული შტატები დიდი ენთუზიაზმით აღნიშნავს საქართველოს მიერ ევროკავშირის კანდიდატის სტატუსის მიღებას. ჩვენ ასევე მივესალმებით ევროპული ოჯახის გაფართოებისადმი ევროკავშირისა და მისი წევრი ქვეყნების ერთგულებას, შეერთებული შტატები თქვენთან ერთად აღნიშნავს, რომ ხართ ქართველები და მაშასადამე – ევროპელები. აშშ ამაყობს, რომ მხარს გიჭერდათ ამ გზაზე და ჩვენ ამ მხარდაჭერას გავაგრძელებთ. კიდევ ერთხელ, გილოცავთ!“ – აცხადებს რობინ დანიგანი.
