ყველა ვაკანსია კვირის ბოლომდე შეივსება – პრემიერ-მინისტრი საკადრო ცვლილებებზე

ყველა ვაკანსია კვირის ბოლომდე შეივსება – პრემიერ-მინისტრი საკადრო ცვლილებებზე

საქართველოს პრემიერ-მინისტრი ჯანდაცვის მინისტრისა და მთავრობის ადმინისტრაციის ხელმძღვანელის გარდა მთავრობის ადმინისტრაციის რეგიონებთან ურთიერთობის დეპარტამენტის უფროსის ცვლილებაზე საუბრობს. როგორ მან ჟურნალისტების კითხვების საპასუხოდ განაცხადა, ყველა ვაკანსია კვირის ბოლოს შეივსება, მანამდე კი შიდა სამუშაო პროცესი მიმდინარეობს.

ირაკლი კობახიძემ ჟურნალისტებს ისიც უთხრა, რომ ჯანდაცვის მინისტრობა ჯერ არავისთვის შეუთავაზებია.

„რაც შეეხება საკადრო ცვლილებებს, რამდენიმე გადაწყვეტილებაა მისაღები, მათ შორის ეს ეხება ჯანდაცვის მინისტრს, მთავრობის ადმინისტრაციის ხელმძღვანელს, ეს ეხება კონკრეტული დეპარტამენტის ხელმძღვანელს… ის [ლერი ბარნაბიშვილი – მთავრობის ადმინისტრაციის რეგიონებთან ურთიერთობის დეპარტამენტის უფროსი] ინიშნება მაღალ თანამდებობაზე და ამაზე განცხადებას შესაბამისი მინისტრი გააკეთებს.

ყველა ვაკანსია კვირის ბოლომდე შეივსება.

ჯერჯერობით არც პირდაპირ და არც ირიბად არც ერთი ადამიანისთვის მინისტრობა არ შემითავაზებია, ამის პრეცედენტი არ ყოფილა. ჯერჯერობით შიდა სამუშაო პროცესი გვაქვს, ვარჩევთ კანდიდატებს და როგორც კი ჩამოვყალიბდებით გარკვეულ პოზიციაზე ამის შემდეგ დავიწყებთ შეთავაზებას“, – განაცხადა კობახიძემ და დასძინა, რომ მიმდინარე კვირაში მთავრობის სხდომა მხოლოდ იმიტომ არ ჩატარდა, რომ საკითხების შესაბამისი რაოდენობა არ იყო.

შეგახსენებთ, ირაკლი კობახიძემ ჯანდაცვის მინისტრი ზურაბ აზარაშვილი და მთავრობის ადმინისტრაციის უფროსი რევაზ ჯაველიძე თანამდებობებიდან გაათავისუფლა.

მსგავსი სიახლეები

მეცნიერების პრიორიტეტულობა: რა როლს ასრულებს საქართველოს მეცნიერებათა აკადემია ქვეყნის განვითარების პროცესში?

მეცნიერების პრიორიტეტულობა: რა როლს ასრულებს საქართველოს მეცნიერებათა აკადემია ქვეყნის…

ეკონომიკურ მეცნიერებათა დოქტორი, საქართველოს მეცნიერებათა ეროვნული აკადემიის აკადემიკოს-მდივანი, აკადემიკოსი ვლადიმერ პაპავა „პრაიმტაიმთან“ ინტერვიუში საუბრობს აკადემიის საქმიანობასა და მის მნიშვნელოვან როლზე თანამედროვე…
ლაშა ხუციშვილმა და ნათია თურნავამ IMF-ის მისიასთან შემაჯამებელი შეხვედრა გამართეს

ლაშა ხუციშვილმა და ნათია თურნავამ IMF-ის მისიასთან შემაჯამებელი შეხვედრა…

ფინანსთა მინისტრმა ლაშა ხუციშვილმა და სებ-ის პრეზიდენტის მოვალეობის შემსრულებელმა ნათია თურნავამ საერთაშორისო სავალუტო ფონდის მისიასთან შემაჯამებელი შეხვედრა გამართეს. შეხვედრის შესახებ ინფორმაციას…
2025 წლის ეკონომიკური ზრდის მოლოდინები – Galt & Taggart

2025 წლის ეკონომიკური ზრდის მოლოდინები – Galt & Taggart

2024 წელს საქართველოს ეკონომიკა 9.5%-ით გაიზარდა. ამასთან, წლის ბოლოს ეკონომიკური ზრდის ტემპი 6.7-%-მდე შენელდა, თუმცა ეს მაინც მაღალი მაჩვენებელია და კოვიდპანდემიამდე პერიოდის ისტორიულ ზრდის ტემპებს აღემატება. რაც…