თბილისის მეტროს მოძრავი შემადგენლობის განახლებას, რაც 97 ვაგონის (22 მატარებელი) შესყიდვას გულისხმობს “აზიის ინფრასტრუქტურის საინვესტიციო ბანკი” (AIIB) დააფინანსებს.
საქართველოს მთავრობის 8 აპრილის განკარგულებით, თბილისის სატრანსპორტო კომპანია თბილისის მეტროსთვის 205 მილიონი ევროს ღირებულების 97 ვაგონს “აზიის ინფრასტრუქტურის საინვესტიციო ბანკის” (AIIB) პროცედურებით შეისყიდის. აღსანიშნავია, რომ ძალადაკარგულად გამოცხადდა საქართველოს მთავრობის 5 მარტის განკარგულება, რომელიც საერთაშორისო ტენდერის გამოცხადებას “მსოფლიო ბანკის” შესყიდვების პროცედურების შესაბამისად ითვალისწინებდა.
BMG დაინტერესდა, რა გახდა ცვლილების მიზეზი. როგორც თბილისის მერიაში განმარტავენ, AIIB-მა გამოხატა მზაობა, დააფინანსოს პროექტი.
“შეიცვალა მხოლოდ შესყიდვის წესი, მსოფლიო ბანკის შესყიდვის წესის ნაცვლად გამოყენებული იქნება აზიის ინვესტიციების და ინფრასტრუქტურის ბანკის შესყიდვის წესი, ვინაიდან სწორედ ამ ბანკმა გამოხატა სურვილი და მზაობა დააფინანსოს პროექტი”,- უთხრეს BMG-ს თბილისის მერიაში.
რაც შეეხება საკითხს, თუ ჯამური თანხიდან რა ნაწილია სესხი და რა თანხა იქნება საბიუჯეტო სახსრები, თბილისის სატრანსპორტო კომპანიაში BMG-სთან განმარტავენ, რომ შესყიდვის ჯამური ღირებულება – 205 მილიონი ევრო საორიენტაციო თანხაა და დამატებითი დეტალები ტენდერის გამოცხადებისას გახდება ცნობილი.
საქართველოს საგარეო საქმეთა მინისტრის მოადგილე ალექსანდრე ხვთისიაშვილი საქართველოში ჩინეთის სახალხო რესპუბლიკის ელჩს, ჭოი ციენს შეხვდა. საგარეო საქმეთა სამინისტროს ინფორმაციით, საქართველოში ჩინეთის…
საერთაშორისო ენერგეტიკულ ბირჟაზე აღმასვლის ტენდენცია ფიქსირდება. ერთ კვირაში ბარელი ნავთობის ფასი საშუალოდ 2%-ითაა გაზრდილი და ამჟამად Brent-ის ფასი 89 დოლარს აღწევს,…
2024 წლის პირველ სამ თვეში საქართველომ 3.69 მილიარდი კილოვატ საათი ელექტროენერგია მოიხმარა, რაც წინა წლის ანალოგიურ პერიოდთან შედარებით 2%-ით მეტია. სემეკის…