“ახალი საინვესტიციო კანონმდებლობის შემუშავებაში მინიმალური როლი გვაქვს“, – ამის შესახებ პროგრამის „აწარმოე საქართველოში“ დირექტორმა, მიხეილ ხიდურელმა BMG-ის კითხვის საპასუხოდ განაცხადა. მისი თქმით, პროცესში ეკონომიკის სამინისტროს სპეციალური დეპარტამენტია ჩართული.
„ჩვენ მინიმალური როლი გვაქვს, რადგან კანონმდებელი ორგანო არ ვართ. ინვესტიციების კანონის მიმართულებით, უფრო მეტად, ეკონომიკის სამინისტროს შესაბამისი დეპარტამენტი მუშაობს. რა თქმა უნდა, აქ ჩვენი როლიც არის. ქვეყანა, რომელსაც დახვეწილი და ჰარმონიზებული კანონი ექნება, მეტ ინვესტიციას მოიზიდავს“, – აღნიშნა მიხეილ ხიდურელმა.
ცნობისთვის, საქართველოს მთავრობა მიმდინარე წლის შემოდგომაზე ახალი საინვესტიციო კანონმდებლობის ინიცირებას გეგმავს. მიზანი საინვესტიციო გარემოს გაუმჯობესებაა. კანონის შემუშავების შესახებ სამთავრობო პროგრამის შესრულების მიმდინარეობის შესახებ აღმასრულებელი ხელისუფლების მოხსენებაშია საუბარი, რომელიც პარლამენტს უკვე გადაეგზავნა. დოკუმენტში აღნიშნულია, რომ ახალ კანონმდებლობაზე მუშაობა აქტიურად მიმდინარე წლის მარტიდან მიმდინარეობს.
“თიბისი კაპიტალის” თანახმად, ლარის ბოლოდროინდელი გამყარება სიურპრიზი არ ყოფილა, ვინაიდან წმინდა სავალუტო შემოდინებების მთავარ წყაროებზე დაყრდნობით, მოკლევადიან პერიოდში ლარის მნიშვნელოვანი მერყეობა…
2025 წლის 10 თებერვალს, თბილისში ჟენევის საერთაშორისო მოლაპარაკებების 63-ე რაუნდის მოსამზადებელი შეხვედრა მოლაპარაკებების თანათავმჯდომარეებთან: ევროკავშირიდან, გაეროდან და ეუთოდან გაიმართა. საგარეო საქმეთა…
„ქვემო სვანეთი ალბათ ერთ-ერთი ყველაზე განვითარებადი რეგიონია საქართველოში“ , – ამის შესახებ BMGTV-ს გადაცემაში ქვემო სვანეთში მდებარე ტურისტული ობიექტის, Roots Svaneti-ს…