კონტროლი უნდა გამკაცრდეს, სამშენებლო მანქანები ქუჩებს არ უნდა აბინძურებდნენ – მერი

კონტროლი უნდა გამკაცრდეს, სამშენებლო მანქანები ქუჩებს არ უნდა აბინძურებდნენ – მერი

სამშენებლო მოედნებიდან გამოსული მანქანები დედაქალაქში ეკოლოგიურ და ინფრასტრუქტურულ პრობლემებს ქმნიან, – ამის შესახებ მთავრობის სხდომაზე მერმა განაცხადა.

კახა კალაძე ამბობს, რომ ამ მიმართულებით ჯარიმები ისედაც არსებობს და დაავალა მოადგილეს, რომ მოხდეს უფრო მკაცრი აღსრულება. მისივე თქმით, საჭიროა მეტი კომუნიკაცია კომპანიებთან საკითხის მოგვარებისთვის.

“რამდენიმე წლის წინ, პარლამენტმა მუნიციპალიტეტის მიმართვის საფუძველზე განიხილა საკანონმდებლო ცვლილებები ადმინისტრაციულ სამართალდარღვევათა კოდექსში და სამშენებლო მოედნებიდან დაბინძურებული მანქანების გამოსვლა გახდა ადმინისტრაციული სამართალდარღვევა, რომლისთვისაც გათვალისწინებულია ჯარიმები. ფიზიკური პირის შემთხვევაში ეს არის 500 ლარი, იურიდიული პირის შემთხვევაში 1000 ლარი, ხოლო განმეორების შემთხვევაში 2000 ლარი. ეს ცვლილება უკვე რამდენიმე წელია მოქმედია, თუმცა რეალობას ვხედავთ, რომ ამ მიმართულებით სერიოზული პრობლემებია. ალბათ, ბევრ თბილისელს, ვინც დედაქალაქში გადაადგილდება, შეუნიშნავს სამშენებლო მოედნებიდან გამოსული დიდი მანქანები, რომლებიც აბინძურებს ქუჩებს. გამოაქვთ სამშენებლო ტალახი და ეს შემდეგ უდიდეს პრობლემას წარმოადგენს. ეს მტვრად გადაიქცევა და ამას სუნთქავენ მოქალაქეები. შესაბამისად, მე მინდა დავავალო ჩემს მოადგილეს, რომ განსაკუთრებული ყურადღება მიაქციოთ აღნიშნულ საკითხს. ეს არის უმნიშვნელოვანესი თემა და სამშენებლო ობიექტებს აქვთ ვალდებულება, რომ იმ მოედანზე, სადაც სამუშაოები მიმდინარეობს, მოაწყონ შესაბამისი ჩამოსარეცხი, რათა ამის გამოტანა არ მოხდეს დედაქალაქის ქუჩებში”, – განაცხადა კალაძემ.

მან თავის მოადგილეს კახა გულედანს დაავალა, დღეიდან დაიწყოს აქტიური კომუნიკაცია და მუშაობა, რომ ეს ყველაფერი მოწესრიგდეს.

თბილისის მერის თქმით, არ უნდა იყოს შემთხვევები, როცა სამშენებლო მანქანები აბინძურებს ქუჩებს.

“პრობლემაა ისიც, რომ ბეტონმიზიდი მანქანები ასფალტზე ღვრიან ბეტონს. რამდენი შემთხვევაა, როცა ეს ახლად რეაბილიტირებულ, განახლებულ ქუჩებზე ხდება. ეს ყველაფერი უნდა მოწესრიგდეს” – თქვა კალაძემ.

მსგავსი სიახლეები

საპენსიო სააგენტოს აქტივებმა 5 მილიარდს გადააჭარბა

საპენსიო სააგენტოს აქტივებმა 5 მილიარდს გადააჭარბა

საქართველოს საპენსიო სააგენტოს ატქივებმა დღეს 5 მილიარდ ლარს გადააჭარბა. ეს თანხა წარმოადგენს 1.3 მილიონი ადამიანის საპენსიო დანაზოგს, რაც ერთ მონაწილეზე საშუალოდ…
რამდენი ადამიანი მუშაობს სებ-ში და რა არის სახელფასო ხარჯები – წლიური ანგარიში

რამდენი ადამიანი მუშაობს სებ-ში და რა არის სახელფასო ხარჯები…

საქართველოს ეროვნულმა ბანკმა პარლამენტს 2023 წლის საქმიანობის ანგარიში წარუდგინა. დოკუმენტის თანახმად, ეროვნულ ბანკში საზედამხედველო/მომხმარებელთა დაცვის მიმართულებების გაფართოების პარალელურად, იზრდება მასში დასაქმებულ…
რუსული ნავთობი ევროპაში თურქეთის გავლით ხვდება. კრემლის მოგება – $3 მლრდ – POLITICO

რუსული ნავთობი ევროპაში თურქეთის გავლით ხვდება. კრემლის მოგება –…

ახალი კვლევის თანახმად, დასავლური სანქციების შემდეგ, რუსული ნავთობი ევროკავშირის ქვეყნებში, თურქეთის გავლით, შენიღბული ტვირთის სახით ხვდება. “გასული წლის მაისში თურქეთის სამხრეთით, სირიის საზღვრიდან…