მთავრობამ  კოოპერატივებისათვის კენკროვანი კულტურების შესანახი მაცივრების თანადაფინანსების პროგრამა დაამტკიცა – პირობები

მთავრობამ კოოპერატივებისათვის კენკროვანი კულტურების შესანახი მაცივრების თანადაფინანსების პროგრამა დაამტკიცა – პირობები

“ბოლო წლების განმავლობაში ჩვენი „დანერგე მომავლის“ პროგრამის მეშვეობით გავაშენეთ 2 500 ჰექტარზე მეტი მოცვის ბაღი და სხვა კენკროვანი კულტურები, საიდანაც მომავალ წლებში 20-25 ათას ტონა მოსავალს მივიღებთ” – ამის შესახებ დღეს სოფლის მეურნეობის მინისტრმა, ოთარ შამუგიამ ისაუბრა და განაცხადა, რომ წელს საქართველოდან მოცვის ექსპორტი 100%-ით გაიზარდა.

„წელს გვქონდა მოცვის ექსპორტის 100%-იანი ზრდა და განხორციელდა 3 ათასი ტონა მოცვის ექსპორტი, დაახლოებით, 18 მლნ ლარის ღირებულების და, როგორც გითხარით, ამ ბაღების სრულ მსხმოიარობაში შესვლის შემდგომ, ჩვენ გვექნება საკმაოდ დიდი მოსავალი, რაც დასავლეთ საქართველოში ჩვენი ფერმერების შემოსვლის ერთ-ერთი ძირითადი წყარო იქნება“, – განაცხადა ოთარ შამუგიამ.

დღეს გამართულ სხდომაზე მთავრობამ სასოფლო-სამეურნეო კოოპერატივებისათვის კენკროვანი კულტურების შესანახი მაცივრების თანადაფინანსების სახელმწიფო პროგრამა დაამტკიცა, რომლის პირობებზეც მინისტრმა ისაუბრა.

„კენკროვანი კულტურები მალფუჭებადია და მნიშვნელოვანია ხელი შევუწყოთ ჩვენს ფერმერებს, შექმნან სამაცივრე მეურნეობები და შემდეგ ეტაპობრივად მოახდინონ პროდუქტის რეალიზება. ეს პროექტიც ამ შინაარსის მატარებელია.

ჩვენ დავაფინანსებთ სასოფლო-სამეურნეო კოოპერატივებს, რომლებსაც ჯამურად მინიმუმ 10 ჰა. კენკროვანი ბაღი ექნებათ და თანადაფინანსება იქნება პროექტის მთლიანი ღირებულების 70%, არაუმეტეს 250 000 ლარისა ერთ კოოპერაციაში“ – განაცხადა შამუგიამ.

მინისტრის თქმით, აღნიშნული პროგრამა ფერმერების კოოპერაციაში გაერთიანებას წაახალისებს: „ეს მნიშვნელოვანი ხელშეწყობა იქნება, რომ მცირე და საშუალო ფერმერები გაერთიანდნენ კოოპერაციაში და საკმაოდ მაღალი დაფინანსებით მივცემთ საშუალებას, ჰქონდეთ თანამედროვე შემნახველი მაცივრები, რომლებიც ამ პროდუქტის შემდგომ რეალიზებას შეუწყობს ხელს“.

მსგავსი სიახლეები

თბილისის აეროპორტში მგზავრთნაკადი 28%-ით, ბათუმის აეროპორტში 34%-ით გაიზარდა (I კვარტალი)

თბილისის აეროპორტში მგზავრთნაკადი 28%-ით, ბათუმის აეროპორტში 34%-ით გაიზარდა (I…

2024 წლის პირველი კვარტალის მონაცემებით, თბილისის საერთაშორისო აეროპორტში მგზავრთნაკადი 28%-იან ზრდას, ხოლო ბათუმის საერთაშორისო აეროპორტში – 34%-იან ზრდას აჩვენებს. როგორც თბილისისა…
მარტში ფულადი გზავნილები 36%-ით შემცირდა – ქვეყნები, საიდანაც ყველაზე მეტი თანხა გადმორიცხეს

მარტში ფულადი გზავნილები 36%-ით შემცირდა – ქვეყნები, საიდანაც ყველაზე…

საქართველოს ეროვნული ბანკის მონაცემებით, 2024 წლის მარტში ქვეყანაში შემოსული ფულადი გზავნილების ნაკადების მოცულობამ 278.5 მლნ აშშ დოლარი (746.8 მლნ ლარი) შეადგინა,…
ირაკლი კობახიძე ჩინეთის დელეგაციას შეხვდა – რაზე ისაუბრეს?

ირაკლი კობახიძე ჩინეთის დელეგაციას შეხვდა – რაზე ისაუბრეს?

საქართველოს პრემიერ-მინისტრი ირაკლი კობახიძე ჩინეთის სახალხო რესპუბლიკის დელეგაციას შეხვდა, რომელსაც მმართველი პარტიის საერთაშორისო ურთიერთობების მინისტრის მოადგილე ჩენ ჭოუ ხელმძღვანელობს. მთავრობის ადმინისტრაციის…