ღვინის ეროვნულ სააგენტოში, ღვინის მწარმოებელი 60-ზე მეტი კომპანიის წარმომადგენელთან შეხვედრა გაიმართა – რა განიხილეს

ღვინის ეროვნულ სააგენტოში, ღვინის მწარმოებელი 60-ზე მეტი კომპანიის წარმომადგენელთან შეხვედრა გაიმართა – რა განიხილეს

ღვინის ეროვნულ სააგენტოში, ღვინის მწარმოებელი 60-ზე მეტი კომპანიის წარმომადგენელთან შეხვედრა გაიმართა. 

ღვინის ეროვნული სააგენტოს ინფორმაციით, საქართველოს გარემოს დაცვისა და სოფლის მეურნეობის მინისტრის მოადგილემ, იური ნოზაძემ და ღვინის ეროვნული სააგენტოს თავმჯდომარემ, ლევან მეხუზლამ ღვინის  მწარმოებლებთან 2023 წლის რთველის საორგანიზაციო საკითხები განიხილეს.

„ძალიან მნიშვნელოვანია სახელმწიფოსა და კერძო სექტორს შორის სწორი კომუნიკაცია. სწორედ ამიტომ, არც ერთი მნიშვნელოვანი გადაწყვეტილება არ მიგვიღია მეწარმეებთან და ფერმერებთან კონსულტაციების გარეშე, რაც გვაძლევს კიდეც შედეგს. სახელმწიფო მეღვინეობის დარგის მხარდაჭერას გააგრძელებს არაერთი მიმართულებით, ცხადია, გაგრძელდება მარკეტინგული მხარდაჭერა, რაზეც ჩვენ ამ ეტაპზე აქტიურად ვმუშაობთ“, – აღნიშნა საქართველოს გარემოს დაცვისა და სოფლის მეურნეობის მინისტრის მოადგილემ, იური ნოზაძემ.

საქართველოს მთავრობის გადაწყვეტილებით, მიმდინარე წელს, რთველის მხარდასაჭერად, რქაწითელისა და კახური მწვანის ჯიშების ყურძნის სუბსიდირება განხორციელდება. სახელმწიფო სუბსიდიას მიიღებს ის კომპანია, რომელიც შესყიდული 1 კგ ყურძნის სანაცვლოდ, ყურძნის ჩამბარებელს გადაუხდის არანაკლებ 0,90 ლარს.

კახეთის რეგიონში მევენახის მიერ მოწეული ყურძნის შესყიდვის სანაცვლოდ, კომპანიებზე გასაცემი სუბსიდია შეადგენს 1კგ რქაწითელისა და 1 კგ კახური მწვანისათვის 0,20 ლარს. გასულ წელს, სახელმწიფო სუბსიდია 1 კგ რქაწითელისა და 1 კგ კახური მწვანისათვის 0,35 ლარს შეადგენდა.

ღვინის ეროვნული სააგენტოს თავმჯდომარის განცხადებით, ღვინის ეროვნული სააგენტო და სხვა შესაბამისი სახელმწიფო უწყებები სრულ მზადყოფნაში არიან, რომ მოსავლის დაბინავება მოხდეს ორგანიზებულად და ყველა მევენახეს მიეცეს ყურძნის შეუფერხებელი ჩაბარების შესაძლებლობა.

ღვინის ეროვნულ სააგენტოში გამართულ შეხვედრას ღვინის მწარმოებელი 60-ზე მეტი
კომპანიის წარმომადგენელი ესწრებოდა, რომლებმა რთველში ჩასართავად და
მოსახლეობისგან ყურძნის შესყიდვის მზად ყოფნა გამოხატეს.

მსგავსი სიახლეები

ორნახევარპოლუსიანი სამყარო – როგორ ყალიბდება ახალი საერთაშორისო წესრიგი?!

ორნახევარპოლუსიანი სამყარო – როგორ ყალიბდება ახალი საერთაშორისო წესრიგი?!

მიმდინარე მოვლენების ფონზე სულ უფრო ძლიერდება კითხვა, თუ როგორი მსოფლიო წესრიგი ყალიბდება დღეს, რა ადგილი ექნებათ აქ დიდ მოთამაშეებს და განსაკუთრებით…
ყველაზე მეტად იმერეთის მოსახლეობა შემცირდა – რომელ რეგიონებში იკლებს მოსახლეობის რაოდენობა

ყველაზე მეტად იმერეთის მოსახლეობა შემცირდა – რომელ რეგიონებში იკლებს…

საქსტატის მოსახლეობის საყოველთაო აღწერის წინასწარი შედეგების მიხედვით, საქართველოს მოსახლეობა 3.9 მილიონია. ეს აღწერის წინა შედეგებთან შედარებით, რომელიც 2014 წელს ჩატარდა 5%-ით,…
დღეიდან საქართველო-სომხეთს შორის მგზავრთა გადამყვანებისთვის ახალი რეგულაცია ამოქმედდება

დღეიდან საქართველო-სომხეთს შორის მგზავრთა გადამყვანებისთვის ახალი რეგულაცია ამოქმედდება

1 ივლისიდან, საქართველო-სომხეთის საზღვარზე გადამყვანებისთვის მგზავრთა სიის წინასწარ შევსება სავალდებულო ხდება. როგორც BM.GE-ის ეკონომიკის სამინისტროში განუცხადეს, საუბარია კომერციული მიზნით ტურისტული ან…