საქსტატმა 2024 წლის პირველი ორი თვის საგარეო ვაჭრობის ანგარიში გამოაქვეყნა. დოკუმენტის თანახმად, იანვარ-თებერვალში ექსპორტმა $803 მილიონი დოლარი შეადგინა, რაც წინა წლის ანალოგიურ პერიოდთან შედარებით 12%-ით ნაკლებია. სტატისტიკის მიხედვით, 10 უმსხვილეს საექსპორტო საქონელს შორის პირველ ადგილს კვლავ მსუბუქი ავტომობილები იკავებს, რომლის ექსპორტის მოცულობამაც 263 მილიონი დოლარი შეადგინა, ეს მოცულობა წინა წელთან შედარებით 11%-ით გაიზარდა.
საქართველოს 10 უმსხვილესი საექსპორტო საქონლის რეიტინგი
მსუბუქი ავტომობილები – $262.6 მილიონი დოლარი, ზრდა 11%;
ღვინოები – $47.6 მილიონი დოლარი, ზრდა 38%;
ფეროშენადნობები – $42 მილიონი დოლარი, კლება 41%;
სპირტიანი სასმელები – $35 მილიონი დოლარი, ზრდა 45%;
ძვირფასი ლითონების მადნები და კონცენტრატები – $33.8 მილიონი დოლარი, ზრდა 170%;
მინერალური და მტკნარი წყლები – $21.7 მილიონი დოლარი, ზრდა 43%;
აზოტოვანი სასუქები – $21.4 მილიონი დოლარი, ზრდა 2%;
მედიკამენტები – $17.9 მილიონი დოლარი, ზრდა 99%;
გაზიანი შაქრიანი სასმელები – $14 მილიონი დოლარი, ზრდა 35%;
ოქრო დაუმუშავებელი ან ნახევრად დამუშავებული, ან ფხვნილის სახით – $14 მილიონი დოლარი, კლება 14%.
ქვეყნების მიხედვით, საქართველოს #1 საექსპორტო ქვეყანაა ყირგიზეთი, რაც ავტოექსპორტს უკავშირდება, რადგანაც $125-მილიონიან ექსპორტში 122 მილიონი დოლარი ავტომობილებზე მოდის. ყირგიზეთის მიმართულებით ექსპორტი 179%-ით არის გაზრდილი. მთავარ საექსპორტო ქვეყნებს შორის მეორე ადგილზეა აზერბაიჯანი 99.5 მილიონი დოლარით (კლება წინა წელთან 11%), ხოლო მესამე პოზიციას $97 მილიონი დოლარით რუსეთის ფედერაცია იკავებს, სადაც ექსპორტი 24%-ით არის შემცირებული.
2024 წლის იანვარ-თებერვალში საქართველოს 10 მთავარ საექსპორტო ქვეყანას შორის ევროკავშირის არცერთი წევრი არაა, მხოლოდ მეათე ადგილზეა შვეიცარია $14 მილიონის ექსპორტით, რომელიც EFTA-ს წევრი სახელმწიფოა.
საქართველოს ეროვნულმა ბანკმა ანტი ფულის გათეთრების (AML) და ტერორიზმის ფინანსირების საწინააღმდეგო (CFT) დისტანციური პორტალის გამოყენების წესი დაამტკიცა. პორტალის სახელია www.aml-cft.nbg.ge და ის ფულის…
ეკონომიკისა და მდგრადი განვითარების სამინისტრო შესყიდვების სააგენტოს გამარტივებული შესყიდვის განხორციელების მიზნით მიმართავს. საუბარია საქართველოს კანონმდებლობის ევროკავშირის დირექტივებთან დაახლოების მიზნით „ფოსტის შესახებ“ კანონის…
ბოლო წლებში, ჩინურმა ავტომწარმოებელმა კომპანიებმა მსოფლიოში მასშტაბური ექსპანსია დაიწყეს, რომელიც ადგილობრივი კომპანიების მიერ გლობალური ბაზრის წილის მნიშვნელოვან ზრდას ისახავს მიზნად. ტენდენციის…