სტატისტიკის ეროვნულმა სამსახურმა 2024 წლის იანვარში საგარეო ვაჭრობის მონაცემები გამოაქვეყნა. უწყების ცნობით, საქართველოდან საქონლის ექსპორტი 338 მილიონ 600 ათას დოლარამდე შემცირდა, კლება 26.2%-ია.
ადგილობრივი ექსპორტი (ექსპორტი რეექსპორტის გარეშე), მთლიანი ექსპორტის 46.7% შეადგენს. აღნიშნული მაჩვენებელი წინა წელთან შედარებით 38.9%-ითაა შემცირებული და 158.2 მლნ დოლარს გაუტოლდა.
ტრადიციულ ბაზრებთან ვაჭრობის შემცირების პარალელურად, ოფიციალური სტატისტიკის მიხედვით, ადგილობრივი ექსპორტი 2 მიმართულებით, რუმინეთთან და საბერძნეთთან მკვეთრად გაიზარდა.
2024 წლის პირველ თვეს, რუმინეთთან 11 361% ზრდა დაფიქსირდა, საბერძნეთთან კი, 1 340%-ით. თუმცა უნდა აღინიშნოს ისიც, რომ აქამდე ამ ორ ქვეყანასთან ვაჭრობის მაჩვენებლები ძალიან მცირე იყო, წელს კი, რუმინეთთან 3.9 მლნ აშშ დოლარს, საბერძნეთთან კი, 5.09 მლნ აშშ დოლარს მიაღწია.
რუმინეთში ექსპორტირებული 3.9 მლნ დოლარიდან აზოტოვან სასუქებზე $3.8 მილიონი მოდის, რამაც ექსპორტის ნახტომისებური ზრდა განაპირობა. ადგილობრივი ექსპორტიდან საქართველომ რუმინეთში სულ 4 დასახელების საქონელი გაყიდა, არც ერთი, გასულ წელს ჩამონათვალში არ იყო. წელს კი, ექსპორტზე აღარ გასულა მინერალური და მტკნარი წყლები, ავეჯი და და ტკბილი გაზირებული წყლები.
რუმინეთში საექსპორტო პროდუქცია კი, ასე გამოიყურება:
სასუქები მინერალური ან ქიმიური, აზოტოვანი – $3.8 მლნ; გასულ წელს მაჩვენებელი ნულოვანი იყო.
ბოსტნეული სხვა, ახალი ან შეყინული – $34.5 ათასი;
საქონელი ატრაქციონებისათვის, სამაგიდო ან ოთახის თამაშობანი – $10.9 ათასი
ტომრები და პაკეტები შესაფუთი – $520
რაც შეეხება საბერძნეთს, საექსპორტო პროდუქციის ჩამონათვალი ასეთია:
ნავთობი და ნავთობპროდუქტები – $4.3 მლნ;
ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან – $417 ათასი;
RENTALS & Eristavi Estates-ის მმართველი პარტნიორი ზურაბ ერისთავი საინვესტიციო ბანკ Galt & Taggart-ის მიმოხილვაში გამოკვეთილ აქცენტებს ეთახმება, რომლის მიხედვით, უძრავი ქონების…
წლის ბოლოს ევროკავშირი გადაწყვეტს, გადადგამს თუ არა საქართველო შემდეგ ნაბიჯს მისი წევრობისკენ. ეს შესაძლებლობა არსებობს სწორედ ახლა. არ გაუშვათ ის ხელიდან. ჩვენი…
„ნაბეღლავი“ უკვე კორეაშიც გაიყიდება, – ამის შესახებ “წყალი მარგებელის” სტრატეგიული განვითარების მენეჯერმა, თინა მახარაძემ გადაცემა რედაქტ2-ში სტუმრობისას განაცხადა. „ზოგადად, კომპანია იზრდება…